 |
Ao fin, o que un día propuxo Sarkozy e non logrou facer, a reforma dos mercados, vai facerse realidade na capital dun dos chamados países periféricos da UE.
Non lle levará un exceso de tempo á otrora presidenta consorte do goberno do seu país. Ten suficiente preparación política aínda que sexa por osmose dun mediocre cónxuxe. Con tal mestre coñecerá ademais múltiples idiomas, condición imprescindible para negociar con todos os axentes económicos que interactuar nos mercados.
Pronto se rematarán, grazas á nova líder, as confusións que reinan habitualmente entre os operadores que en ocasións non saben con que produto quedar. Dende agora encontraranos perfectamente diferenciados e convenientemente separados para evitar a interferencia duns cos outros.
Esta vez si, Madrid tomará o relevo de París e será quen lidere os novos tempos. Madrid será a primeira cidade do mundo que conte con mercados saneados. Por primeira vez, cada cousa estará no seu sitio, no seu departamento individualizado.
Ao fin, Ana Botella ten clara a diferenza entre peras e mazás.
Rafa Castillo.
http://rafacastillo2.blogspot.com/
|
| |
|
28/12/2011 03:52
A reforma dos mercados.
