Bieto Iglesias en Galiciae.com/balonga     Fecha  25/10/2012 13:20 
Host: No mostrado/ Not shown    IP: No mostrado/ Not shown    Sistema: Windows XP


Volver al foro Responder Os peares da Terra   Admin: Borrar 	mensaje
 
Mensaje
Os peares da Terra

Etiquetas: opinión, Bieito Iglesias, peares Terra, eleccións

24/10/2012 - Bieito Iglesias

Os peares da Terra van gastados e lambidos, tanto como os seus pesares. Daí que a sorpresa case nunca salte nos comicios (tampouco brinca xa a lebre nos agros hogano conversos en mesta matogueira) e que todo flúa co ritmo monótono do Grande Costume.

Hai razóns para sospeitar que o electorado non votou tanto a favor de Feijóo (de facto perdeu máis de cen mil sufraxios) como en contra dun posible tripartito. En Lituania acaba de caír un tripartito direitista que vai ser substituído por un tripartito de esquerda, na Alemaña opulenta goberna un bipartito de demócrata-cristiáns e liberais, no Reino Unido outro bipartito de conservadores e demoliberais, as coalicións son habituais en Europa pero polo visto aquí a xente quere un mando único, podendo ser un mando a distancia dirixido desde Madrid, agora desde a rúa Génova e antes desde a rúa Ferraz.

Como o país vai vello (cada día foxen da Galiza 70 mozos expulsados pola falta de oportunidades), ten memoria de elefante idoso e quizais votou contra a pasada alianza Touriño-Quintana, contra González Laxe ou, remontando o río do tempo, contra a Frente Popular do ano 36.

Tal parece que o pobo galego, usufrutuario dunha renda per cápita semellante á de Grecia, vive moito máis feliz que os levantadizos helenos. Quen dixo crise? Poñan xoello en terra e adoren a Deusa da Resignación. Encanto o pau vai e vén descansa o lombo.

                                                                                                                                                                                                                                                                                                                               
 

Respuestas (1)
 
  • » Os peares da Terra « - Bieto Iglesias en Galiciae.com/balonga - 25/10/2012 13:20 


Volver Responder
 
Nombre
E-Mail
Asunto
Web
Enlace a una
imagen

Mensaje